Davao City – Gipanguluhan sa Eastern Mindanao Command ang paglagda sa Memorandum of Agreement sa Armed Forces of the Philippines Educational Benefit System Office (AFPEBSO) uban ang pinili nga mga unibersidad ug tunghaan sa General Santos ug Davao City niadtong Abril 9 sa 10th Infantry Division Center.
Sumala sa EMC ang undergraduate scholarship grants para kini sa mga dependents sa mga ‘killed in action’ o ‘wounded in action’ nga sakop sa mga kasundaluan dinhi sa Eastern Mindanao.
Nanguna sa maong aktibidad ang asawa ni AFP chief of staff Gen. Rey Leonardo Guerrero nga si Jayne Guerrero kinsa chairperson sa AFP Officers Ladies Club.
Nitambong sa MOA signing ang mga representante sa Ramon Magsaysay Memorial Colleges, Holy Trinity College, Golden State College sa General Santos City ug University of Southeastern Philippines ug University of Mindanao sa Davao City.
RadyoMaN Aimee Guinita
