Ginapatuman na ang school based immunization sa probinsya sang South Cotabato nga ang target amo ang mga kabataan halin kindergarten tubtob grade 7 sa mga pampubliko nga eskwelahan.
Samtang pwede naman suno pa nga makaavail ang mga private school paagi sa pagsang-at sang letter of intent.
Suno kay Genesis Navales focal person sang school based immunization sang Provincial Health Office ang kindergarten tubtob grade 7 ang makabaton sang measles rubella vaccine,samtang dugang nga tetanus diptheria ang mabaton sang grade 1 kag grade 7 kag ang grade 4 nga babaye nga bata ang makabaton sang Human Papillomavirus (HPV) <www.cdc.gov/hpv/index.html> ukon anti –cervical cancer vaccine.
Ginpahayag man ni Navales nga kinahanglan sa gihapon ang parent consent sa ginapatuman nga school based immunization umpisa sang bulan sang Hunyo tubtob sa Setyembre subong nga tuig.
Ginapabalo man niya sa mga ginikanan nga sa tion nga mabakunahan ang bata lauman nga may epekto ini kapareho sang lagnat amo nga indi magkabalaka tungod normal lamang suno pa ini.
