Sarangani Province–Nalipay karon ang DepEd Sarangani gipangunahan ni Schools Division Superintendent Crispin Soliven Jr. og ang Governor’s Commission on Education ni Governor Steve Chiongbian Solon tungod kay gipili sa Latter-Day Saints Charities, usa ka world-wide charity foundation, nga ang literacy initiative sa Sulong Karunungan program nga mao ang School-based Tutorial ang ipatuman sa Naga City sa Bicol Region, Quezon Province sa Calabarzon Region 4, og sa Zamboanga del Norte.
Ang School-based Tutorial Program ang usa sa mga flagship program sa Sulong Karunungan ni Governor Solon kung diin dili ra semana o binulan ang pag-tutor sa mga bata nga naglisod sa pagbasa kundili ginapahigayon kini sa usa gayud ka school year.
Ang mga gatudlo sa pagbasa ang dili ra mga magtutudlo kundili ang ilang mga kaubanang estudyante nga paspas nang mubasa, gatabang pud sa pag-tutor sa mga bata nga naa sa Grade 1 hangtud Grade 3 ang mga senior high school.
Gibutyag na lamang ni Kenneth Lee, ang program manager sa Pilipinas sa Latter-Day Saints Charities, nga dili matud pa sila mapul-an isip makanunayon nga partner sa Provincial Government sa Sarangani tungod kay nakita nila nga adunay nindot nga education program ang probinsya. Bisan si Maam Marilyn Owens, usa ka foreigner og maoy area welfare specialist sa Latter-Day Saints Charities, ang nakadayig sa pasyon sa edukasyon ni Governor Solon maong anaa matud pa sila nakatutok sa pag-ayuda sa Sarangani Province.
