Gibuksan sa publiko ang Malasag Sculpture Exhibit sa SM Downtown Premier niadtong Lunes ug makita kini hangtod Hulyo 7.
Gipasundayag sa mga Indigenous Peoples kon I-Ps sa tribung Higaonon Tribe ang ilang mga ginama nga wooden sculptures nga dunay nagkalain-laing disenyo.
Ang maong mga sculptures gihimo gikan sa driftwood kon mga anod nga kahoy nga giproseso sa mga IPs pinaagi sa usa ka training nga gipangulohan sa Smart Communications, Inc. ug inabagan sa lokal nga kagamhanan ning syudad.
Sa iyang mensahe, emosyonal si Jude Datu Masikal Jabiniar tungod sa suporta sa mga pribadong establisemento, kagamhanan ning syudad ug konseho sa Barangay Cugman.
Tipik sa kalihukan ang awarding of certificates sa mga nigradwar sa short-course/training sa driftwood sculpture nga gilangkoban sa mga IPs sa Barangay Cugman.
Nasayran nga tumong sa maong proyekto nga mahatagan og dugang panginabuhian ang mga Higaonon dinhi sa syudad ug makapasundayag sa world-class products gikan sa driftwood.
