Davao City – Gidepensahan karon ni kanhi Magdalo Partylist Reresentative Gary Alejano si Senate Minority Floor Leader Franklin Drilon sa pag-kwestiyon sa naulahi sa kamahal sa cauldron nga mukantidad og P55 million alang sa 30th southeast asian games.
Segun ni Alejano, dapat lang kwestyonon ni Drilon ang paggasto og minilyon ka pesos sa gobyerno sa pagtukod sa cauldron hilabi na nga kausa lamang kini gamiton ug inig human sa Sea Games, dili na kini mapuslan pa.
Gipanalipdan ni Alejano ang gibuhat ni Drilon sanglit dili tuyo niini nga pangitaan og buslot ug dauton ang Duterte administrasyon gamit ang isyu sa cauldron.
Katungod sa matag magbabalaud sa camara baja ug sa senado nga mangutana ug makisayod kung nganong daku ang pondo ug asa idapat ang salapi, dugang ni Alejano.
Kahinumdoman nga migahin ang gobyernong Duterte og P6-B alang sa 30th sea games diin parte ang P55-M nga pundo sa pagpatukod sa cauldron.
Gawas pa, nagbayad ang gobyerno og P4.4-M kang anhing national artist Francisco “Bobby” Mañoza alang sa disenyo, P13-M sa site construction alang sa pundasyon ug laing P32-M alang sa katukuran sa cauldron.
Sa iyang kabahin, gitino ni House Speaker Alan Peter Cayetano nga kung buot hunahunaon, mas barato ang gipatukod nga cauldron sa Pilipinas itandi sa Singapore nga muabot og P65-M sa dihang sila maoy nag-host sa miaging Sea Games.
Gibarugan ni Alejano nga ‘extravagant’ ra kaayo kun gastoso ang caudron konsiderahon nga daghang pilipino ang nagkalisud karon sa panginabuhi ingon man nahikawan sa tabang gikan sa kagamhanan.
Gisaway niini ang administrasyong duterte tungod kay migasto kini og daku sa kaldero samtang sa mga atleta ug sa mga mag-uuma, dili pupaigo ang pundo nga gitagana alang sa ilang mga panginahanglanon.
Radyoman Joel Viray
