Davao City- Nagpatuman og mas hugot nga inspeksyon ang Coast Guard District Southeastern Mindanao sa tanang mga sakyanang pandagat aron malikayan ang Binangonan, Rizal sea tragedy diin sobra 20 ang namatay.
Sa interbyu sa DXDC RMN Davao kang Commodore Agapito Bibat, Coast Guard District Southeastern Mindanao Commander, tumong niini aron maseguro ang seguridad sa sea riding public ilabi na nga dagsa ang mga mubyahe atol sa Kadayawan Festival 2023.
Sumala ni Bibat, adunay sea marshall unit nga istriktong nagasusi sa mga papeles sa mga barko o bangka aron luwas ang byahe.
Nagpahimangno si Bibat sa publiko nga aron malikayan ang mga disgrasya, gikinahanglang musunod gayud sa gipatumang seguridad ug dili usab ipugos og sakay ang mga pasahero ilabi na kung anaa na sa maximum capacity ang usaka sea vessel.
RadyoMaN Aimee Guinita
Facebook Comments
