VALLADOLID, NEGROS OCCIDENTAL – Nasapwan nga nagabitay kag wala na sang kabuhi ang isa ka seaman pasado las 8 kahapon sang aga sa Brgy. Bagumbayan, banwa sang Valladolid.
Ang biktima nga isa ka seaman, single kag pumuluyo sang amo nga lugar nasapwan nga nagabitay sa balayan sang ila kisame gamit ang electric wire nga ginhigot sa iya liog.
Ginpahayag sang hepe sang Valladolid PNP nga si Police S/Insp. Junji Liba nakabaton sila san report nga may isa ka lalaki nga nasapwan, gani dali-dali nila ini nga kadtuan.
Sa ila pag-abot didto kag nakita nga nagabitay ang biktima kag wala na sang kabuhi.
Suno kay Liba, sa karon gina-usisa na sang pulis kon bala ano ang rason sang kamatayon sang biktima kag kon bala ini ang naghikog gid man./dyHB BACOLOD
