Davao City – Gipusil sa wala mailang mga suspek ang usa ka Seaman kinsa igo lang nga naghatod sa iyang mga anak sa Tagum You Xiu School sa may Malinawon 1, Barangay Magugpo East, Tagum City, Davao del Norte alas-7:30 sa buntag adlaw’ng Martes.
Nakahigaom og daghang samad pinusilan ang biktima nga si Edwin Antonio Gulane, 41 anyos, taga-Dawnaville Subdivision, Barangay Magugpo East, Tagum City.
Gisulayan pa’g luwas sulod sa Davao Regional Medical Center ang biktima apan nakabsan gihapon kini sa iyang kinabuhi.
Sumala sa Tagum PNP nga personal nga dumot ang posibleng motibo apan giimbestigahan pa ang lain pang mga anggulo sa pagpatay sa biktima.
Gisumite ngadto sa Davao del Norte Crime Laboratory Office ang duha ka mga basyo sa bala sa wala pa mahibal-ing baril para sa ipaliawom kini sa Integrated Ballistic Identification System (IBIS) profiling.
RadyoMaN Aimee Guinita
