Negative ang resulta sa search operation sa Philippine Coast Guard kon PCG sa kabaybayonan sa Westeng bahin sa Misamis Oriental sa dihang ilang gipangita ang lawas ni chief mate Dominador Fuentes nga na-missing samtang nag-duty sa Barkong Grande Progreso, sa Lawod sa Laguindingan Misamis Oriental niadtong hapon sa Enero 15.
Matud ni Misamis Oriental District Coast Guard Commander Ferdinand Montermoso nga wala nila makita ang lawas ni Fuentes bisan sa ilang gihimong Shore line Patrol sa kabaybayonban sa Misamis Oriental.
Gibutyag ni Montermoso nga tungod niini iyang gimando nga ilang sakaon ang barkong Grande Progreso samtang ang maong barko duol na sa Pantalan sa Philippine Center Corporation sa lungsod sa Villanueva, Misamis Oriental.
Matud ni Montermoso nga hangtud nga dili nila makita ang lawas ni Fuentes ug hangtud dili matapos ang ilang imbestigasyon dili nila masulti sa PCG nganong na-missing ang maong seaman gikan sa international Vessel nga iyang gisakyan.
