Tagkilaya an biktima na si Ariel Manlapaz, 22 anyos, residente nan Tandag City. Sa sumbong nan kaiban sa pagsakay ug igsoon na si Albert Manlapaz, kaiban sila na nagbiyahe kagabii sakay sa barko nan Cokaliong gikan Surigao City pasingod sa Cebu City. Pag-abot nan alas 7:37 kagabii samtang naglawig an barko dapit sa may Basul Island, Surigao City kalit na milukso an biktima. Sa amo na panghitabo, misuway pa sa paglibot-libot an barko nan kapin isa ka oras para mahanap an milukso pero waya na makit-i si Ariel Manlapaz ugsa na mipadajon na lamang ini sa pagbiyahe pasingod sa Cebu City. Namahayag si Seaman 1st Class Roy Christopher Orillaneda, an Designate Public Information Officer nan Phil. Coastguard Surigao del Norte, an ila team na an nagpadajon sa search and rescue kagabii pero wayay isab nakit-an sa kadagatan ugsa na tag-undang ini ug tagpadajon na isab kuman buntag. Dugang pa, nohimo na sila nan koordinasyon ngadto sa mga Brgy. Officials na duol sa tagkahitabuan kay basin may mareport na may naglutaw-lutaw o nadagsa na tawo, sa posibilidad na si Ariel Manlapaz na ini.
