South Cotabato —Bisan pag nakasibat sa kamot sa kapulisan, dili gihapon makalingkawas sa balaod ang target sa search warrant nga si Enrico Bantolinao Dumaan human nakuhaan ug tulo ka pusil ug mga bala ang panimalay niini dungan sa gipahigayong operasyon batok kaniya sa Purok Malipayon, Barangay Lamian sa Lungsod sa Surallah.
Una nang gihimo ang operasyon alayon sa Republic Act 10591 o illegal possession of firearms and ammunition.
Mga narekober sa kapulisan sa panimalay sa suspek mao ang kalibre .30 carbine rifle nga may duha ka magazine ug loaded ug 19 ka bala; 50 ka mga bala sa cal. 30 carbine rifle; lima ka magazine sa cal. 30 carbine rifle; 20 ka bala sa 9mm; 11 ka bala sa kalibre 45; usa ka homemade shot gun nga may magazine ug loaded ug upat ka bala; ug usa ka homemade shot gun nga may duha ka mga bala.
Sa karon anaa na sa kostudiya sa CIDG-South Cotabato ang mga nakuhang armas ug bala nga narekober gikan sa balay sa suspek, samtang takda na usab kining pasakaan ug kaso.
