South Cotabato — Sikop sa operatiba sa kapulisan nga sakop sa Surallah PNP ang duha ka mga lalaki human nga nakuhaan ug pusil sa Sitio Morales, Barangay Centrala ,Surallah, South Cotabato.
Giila ang duha ka mga suspek nga silang si Aljun Valdez Alocado, 29, residente sa Purok Mahayahay, Barangay Malaya, Banga, ug Eliezer De Juan Pugot, 18, residente sa Purok Cadena de Amor, Barangay Malaya, Banga.
Gikaingong nagpatrolya ang kapulisan subay sa implementasyon sa Municipal Ordinance on Curfew dihang nakit-an ang duruha nga dawsa kadudahan ug lihok.
Tungod niini gisita sa kapulisan ang mgas uspek ug didto nasuta nga adunay dalang armas ang mga nasampit.
Nasuha sa ilang posisyon ang usa ka homemade nga kalibre 45 nga pusil ug lima ka mga buhing bala.
Sa karon anaa na sa kostudiya sa Surallah PNP ang mga dinakpan ug takda na silang pasakaan ug kaso.
