General Santos City—Sikop sa operastiba sa Philippine Drug Enforcement Agency (PDEA) Regional Office-12; Special Action Force (SAF); 4th Special Action Battalion (SAB); 7th Infantry Battalion, Philippine Army ang usa ka incumbent kapitan ug asawa niini atol sa gihimong Search Warrant operation sa Sitio Lumayong, Barangay Kayaga, Kabacan, North Cotabato, niadtong nakalabayng adlaw.
Giila ang dinakpan nga si Barangay Captain Bong Bacana Alias Barombong, legal age, ug asawa niini nga si Baliling Bacana, negusyante, ug residenti sa maong lugar.
Narekober sa panimalay sa mga suspek ang (9) ka pakete sa gituohang shabu nga adunay gibug-aton nga (50) ka gramos nga gibana-banaang nagkantidad ug P340,000.00, drug paraphernalia’s, caliber .45 pistol nga adunay magazine mga buhing bala, alahas ug P232, 740.00 nga gituohang kita sa mga nasangpit sa ilang illegal drug activity.
Ang magtiayon gikonsiderang high-value targets, ug miyembro sa local drug group nga nagapamaligya ug droga sa Kabacan, Cotabato ug kasigbit nga munisipyo.
Kasong kalapasan sa Section 11 (Possession of Dangerous Drugs) ug Section 12 (Possession of Drug Paraphernalia), Article II sa Republic Act 9165 (Comprehensive Dangerous Drugs Act of 2002) ug Republic Act 10591 (Illegal Possession of Firearms and Ammunition) ang gipasang-at nga kaso batok sa magtiayon kansa balhog karon sa silda sa PDEA-12.
