El Department of Agriculture Secretary Emmanuel Piñol ya encavesa con el ceremonia aserca el formal abrida otraves del fescada de tamban aui na ciudad y rehiyon nueve.
Pormedio del un programa que ya conduci enantes aga dentro del pantalan del PERMEX Producer and Exporter Corporation na Barangay Talisayan, si Secretary Piñol ya reitira el importancia del fishing ban que ya impone el govierno con el mga fescador desdel Deciembre 1,2017 hasta Marso 1,2018.
Pormedio del tres meses prevensyon de fescada del tamban, ta fuede tambien dale tiempo con el mga fescao tamban preserva, choka y pone juevos para que ya tambien sila manada.
El ceremonia amo el aca-siete año ya del Open Season for Sardine Fishing Ceremony que ya origina aqui na Ciudad de Zamboanga del año 2011.
Si ta acorda, 80 % del ta produci mga sardinas na entero paiz stava aqui na ciudad de Zamboanga.
Durante el ceremonia, ya man turn-over tambien si Piñol con dos unit de (38) footer fiberglass reinforced plastic boats with twin engine para con el Philippine Navy y na Philippine National Police con cantidad de PhP 306,000 cada uno para usa sila na diila patrolya na la mar del ciudad. -*Bhong Simbajon/RMN News*
