Un security guard ay celebra su Pascua adentro del calaboso despues este ya planta pusil consu uban guardia y ya tira pa alaire na LB Supermarket na Tumaga del Miercoles ta escuricia.
Con el suspechao ya conose como si Remigio Palconit y Nicanor, 56, del R&E Agency y de Navarro Street, Tetuan y designao na LB Supermarket.
Asegun na report pulis ta man roving si Osman Nanong, 19, guardia tambien del mencionao establisimiento, pasada alas 6 del noche cuando si Palconit quien aquel tiempo buracho ya planta conele su 38 revolver.
Y despues derepente este ya tira alaire dos beses.
Porcausa deste, ya taranta corre y ya pidi aucilio con el maga pulis si Nanong.
Ya responde el maga pulis y ya puede aresta co Palconit.
Ya confisca tambien conele el 38 revolver tiene pa tres bala y dos capsula adentro del bola.
