Securities and Exchange Commission, naglabas ng abiso sa publiko hinggil sa panibagong invesment scheme

105

Naglabas ng abiso ang Securities and Exchange Commission (SEC) sa publiko hinggil sa hindi otorisadong pagso-solicit sa investment ng kompaniyang Lokal.Plate Corp. o mas kilala bilang Lokal Plate.

Ayon sa SEC, may ilang indibidwal o grupo na pinamumunuan ng isang Brian Co, ang nagpapakilalang kinatawan sila ng Lokalplate at nanghihikayat sila sa publiko na mag-invest ng pera sa kanilang negosyo.


Nabatid na ang grupong ito ay nag-aalok sa publiko ng investment scheme sa pamamagitan ng franchising.

Base pa sa SEC, pinag-iinvest ng grupo ang kanilang target na biktima ng P12,888 kung saan maaari daw silang kumita ng P40,000 hanggang P80,000 kada buwan.

Kinakailangan lamang na i-share ng mga ito ang link para makapag-order ang isang indibidwal mula sa affiliated food service provider ng Lokalplate.

Bukod dito, ang isang kumuha ng franchise ay makakakuha pa ng dagdag na komisyon sakaling makapag-recruit sila ng iba pa.




Iginiit naman ng SEC na bagama’t rehistrado sa kanila ang kompaniya, hindi naman ito otorisadong mag-solocit ng investment.

Binalaan rin ng SEC ang sinumang tatayo o magpapakilala bilang salesmen, brokers, dealers o ahente ay mahaharap sila sa kaukulang kaso.

Facebook Comments