Banga, South Cotabato— Patay ang usa ka security guard human kining gipusil sa wala pa mailhing suspetsado, alas 11 pasado ang takna sa buntag sa may Prk. Paghidait, Brgy. San Vicente, Banga, South Cotabato.
Ang biktima nailang si Carlito Biñas Corpuz Jr, hamtong ang pangidaron kung asa kini ang naka-destino sa DOST-12 ug residente sa New Pangasinan, Koronadal.
Sa imbestigasyon sa Banga Municipal Police Station, sakay ang biktima sa iyahang skygo nga motorsiklo dihang nakalalis matud pa niini ang suspek tungod sa dalan nga miresulta ngadto sa pagpamusil.
Nakaangkon ug ubay-ubay nga igo pinusilan ang biktima sa iyahang lawas nga hinungdan sa iyahang kamatayon ug narecover sa crime scene ang mga basyo sa kalibre 45 nga armas.
Paspas matud pa nga misibat ang suspek human sa insidente.
