Pilason ang security guard nga target sa buy-bust operation sang gintingob nga pwersa sang Provincial Drug Enforcement Unit, Koronadal City Police Station, City Police Drug Enforcement Unit (CPDEU), PIU South Cotabato, PMFC 1st Mobile Company, 1205th Manuever Company, RMFB 12 kag PDEA 12 sa Block 3, Marañon Village, Brgy. Zone 3, Koronadal City, alas 10:50 kahapon sang aga, Marso 17, 2021.
Ginkilala ang suspek kay JayRick Frias Dorero alias “Jay-Rick”, 37-anyos, single, security guard sang Dep-Ed Regional Office 12, temporaryo nga nagaistar sa nasambit nga lugar kag residente sang Purok San Roque, Brgy Poblacion, Norala, South Cotabato.
Suno pa sang namutikan sang suspek nga police poseur buyer nga ang katransaksyon, gintiro sini ang police poseur buyer kag operating team nga nagresulta sang firefight, apang nakapalagyo ang suspek nga nangin rason sang paglagsanay.
Samtang tigayon nga nadakpan ang suspek sa Purok Maligaya, Brgy. San Isidro, Koronadal City kag gilayon nga gindala sa South Cotabato Provincial Hospital, matapos nga nakaangkon sang pilas sa tiil.
Nakuha naman sa operasyon ang 1 ka medium heat sealed transparent plastic sachet sang suspected “shabu” (poseur item) may kabug-aton nga more or less 0.14 gram nga may street value nga P1,000. 00 , 1 ka big heat sealed transparent plastic sachet “shabu” (possession) may kabug-aton nga more or less 5 grams kag nagakantidad sang P34,000. 00, wallet nga may unod nga assorted ID’s kag mga dokumento, kag P1, 000.00 (marked money).
Kaso naman nga pagbayolar sa Article II, Sections 5 kag 11 sang RA 9165 kag Direct Assault sa suspek.
Ang suspek ang yara suno pa sa listahan sang priority sa target list kag yara man sa listahan sang grupo sang kriminal nga nagaoperate sa AOR sang South Cotabato.
