Security guard pilason, matapos tiruhon kag agawan sang motorsiklo sa Polomolok, South Cotabato.

27

Pilason ang driver sang motorsiklo, matapos nga tiruhon kag agawan sang motorsiklo sa national highway, Brgy Crossing Palkan, Polomolok, South Cotabato, alas 10:15 kagab-i, Hunyo 15, 2021.
Base sa imbestigasyon sang Polomolok MPS, ang biktima nga ginkilala kay Gary Sudayon Araña ang sakay sa isa ka unit sang Honda CRF 150, color red/white may temporary plate no. 625 PTG ang papauli na sa ila puluy-an sang tatlo ka motorsiklo nga may sakay nga tig –duha ka mga suspek ang nagitro sa iya sang makapila ka bes kabangdanan nga nadulaan ini sang kontrol sa ginamaneho nga motorsiklo kag natumba.
Gilayon naman nga ginkuha sang mga suspek ang motorsiklo sang suspek kag nagpalagyo sa wala nahibaluan nga direksyon.
Gindala naman sa ospital ang biktima nga nakaangkon sang igo sang bala sa wala nga abaga, idalom sang dughan kag kamot.
Narekober naman sa crime scene ang pack bag sang biktima, sapatos kag lima ka basyo sang 5.56 MM nga gindala sa South Cotabato Provincial Crime Laboratory Office (PCLO) para sa ballistic kag cross matching examination.
Gilayon naman nga nagpatigayon sang hot puruit operation ang Polomolok MPS para sa posible pagkilala kag pagdakop sa mga suspek kag flash alarm sa kaingod nga mga municipal kag city Police Office angot sa gin-agaw nga motorsiklo sang biktima.

Facebook Comments