VICTORIAS CITY, NEGROS OCCIDENTAL – Imbes nga estudyante kag manunudlo ang tatapon, shabu posibli ang ginabantayan sang security guard sang isa ka eskwelahan sa banwa sang Manapla.
Sa ginpatigayon nga buybust operation kagab-i sang Victorias PNP sa iya balay, nadakpan ang suspek nga si Steve Eslava, alias Tata, 31 anyos ang edad pumuluyo sang Brgy. 1-A, Victorias City kag security guard sang Manapla National High School.
Una nga nakuha sang pulis kay Eslava ang isa ka sachet sang suspected shabu kag sang ini ang ginrekisa pa gid, nakuha sa iya ang pito ka iban pa nga sachet sang ginapatihan shabu.
Nagapati ang pulis nga ang suspek amo ang nagabaligya sang illegal nga druga sa amo nga area.
Sa karon nakahunong na sa Victorias City PNP Custodial Facility si Eslava kag natalana nga pasakaan sang kaso violation sang Republic Act 9165./dyHB BACOLOD
