*General Santos City— Gina-finalize na sa kapulisan sa dakbayan ang ipatumang security plan alang sa umaabot nga eleksyon sa Mayo 13.*
*Sumala kang Police Col. Aden Lagradante, City Director sa Gensan City Police Office nga ilaha ng ginasuta ang mga dagkong prisinto aron nga mahatagan ug mas daghang pulis nga magbantay.*
*Gawas matud pa sa ilahang gi-andam nga security plan, dunay laing pagahimuong coordinating conference sa Regional Office aron nga hingpit ng mahan-ay ang tanan alang sa maong midterm election.*
*Dugang pamahayag ni Pol. Col. Lagradante aduna silay listahan nga gihuptan sa mga lugar sa dakbayan nga makonsiderang nagkinahanglan ug igong pagtagad.*
*Apan kini matud nga mga lugar ang gikanahanglan pang i-validate ug tun-an.*
*Pagpaklaro niya nga bisan ug adunay mga area sa dakbayan nga ginatutukan gumikan sa presensya sa armadong grupo, dili ingon ka delikado gumikan sagad kanila ang naga-agi lang padulong sa mga tri-boundery sa gensan.*
*Kalabot niini, gibutyag ni Col. Lagradante nga sa karon wala pa sila nagrequest ug dugang augmentation gikan police regional office 12.*
*Kini gumikan kaya pa man sa ilahang pwersa nga bantayan ang dakbayan ug anaa ang tabang sa Joint Task Force Gensan.*
*Apan higayon matud pa nga adunay maitalang unsa mang kakulian ayha ang piniliay sa Mayo 13 o sa adlaw mismo sa election, andam silang mangayo ug dugang pwersa.*
