Security Plan sa COCPO sa traslasyon sa Itom nga Nazareno, kasado na

Kasado na ang security plan sa Cagayan de Oro City Police Office o COCPO alang sa himoong traslasyon sa Itom nga Nazareno sa Enero nuybe ning tuiga.

Kini ang gibutyag ni Police Supt. Robert delos Reyes, hepe sa Operations and Plans Branch sa COCPO.

Matud ni Supt. delos Reyes nga nasa 800 kapin kon kulang nga mga pulis ang ipakatag aron masigurong mahimong hapsay ug malinawon ang pagsaulog sa kapistahan sa Itom nga Nazareno.

Gidugang niini nga gawas sa mga pulis, motabang usab sa pagbantay ang mga sundalo sa 4^th Infantry Division ug mga barangay tanod sa syudad.