General Santos City—Human sa nahitabong pagbusikad sa Improvise Explosive Device (IED) sa Koronadal City Kagahapong adlawa, gipailawom na karon sa General Santos City Police Office (GSCPO) ngadto sa alert level 3 ang syudad.
Mas lig-on nga check point ang gipatuman sa mga nag-unang kadalananan aron nga dili basta-bastang malutsan sa grupong buot maghimo ug kasamok sa dakbayan.
Una nang gimando ni Police Regional office-12 Director Chief Supt. Marcelo Morales sa tanang mga City ug Provincial Director sa PNP sa Region-12 nga tas-an ang ilang alerto batok sa mga armadong grupo nga buot maghatag ug kasamok sa mga lugar sa rehiyon.
Una nang giangkon sa opisyal atol sa gihimong press conference kagahapong adlawa human sa pagbusikad sa bomba sa Koronadal City nga daan na silang nakadawat ug bahad sa seguridad ayha paman natigayon ang pagbusikad.
