Muling isasagawa ang programang SEE-Pangasinan Operation Klaro sa unang distrito ng lalawigan ngayong Enero 2025, na layuning labanan ang kaso ng preventable blindness at magbigay ng karagdagang suporta sa kalusugan ng mga Pangasinense.
Gaganapin ang eye screening sa Don Leopoldo Sison Convention Center sa Alaminos City mula Enero 10 hanggang 11, 2025. Ang mga residente mula sa Alaminos City, Agno, Anda, Bolinao, Burgos, Dasol, Infanta, Bani, Mabini, at Sual ang inaasahang makikinabang dito.
Samantala, ang operasyon proper ay magaganap sa Western Pangasinan District Hospital mula Enero 12 hanggang 16, 2025.
Patuloy ang pagsisikap ng pamahalaang panlalawigan na mapabuti ang kalusugan ng mga residente sa pamamagitan ng mga programang tulad nito na nagbibigay ng libreng serbisyong medikal para sa mga nangangailangan. |𝙞𝙛𝙢𝙣𝙚𝙬𝙨
