Gipasiguro ni Mayor Oscar Moreno sa mga security officials sa Cagayan de Oro ang seguridad sa haya ni Former Senate President Aquilino Nene Pimentel Jr., sa City unyang gabi-e, sa City hall.
Lakip sa gimandoan ni Moreno ang mga traffic officials nga i-sirado sa traffic ang mga kalsada duol sa city hall sugod unyang alas 4 sa hapon hangtud sa udto sa Oktubre 25 aron hatagan og dalan ang mga Cagay-anon nga modagsa sa City hall aron pagtambong sa vigil sa namatayng kanhi Senate President.
Si Pimentel nahimong ika walo nga mayor sa Cagayan de Oro, sulod sa upat ka tuig sa panahon sa Martial law sukad sa 1980 hangtud sa 1984.
Ang patayng lawas ni Pimentel mo-abot sa City hall mga alas 5 unyang hapon gikan sa Laguindingan Airport nga sugaton ni Mayor Moreno ug uban pang mga opisyal sa Cagayan de Oro ug Misamis Oriental.
