General Santos City–Pipaniguro ni Police Col. Aden Lagradante, City Pnp Director Sa Gensan City Police Office, nga andam na gyud ang iyang mga sakop sa pagbantay sa kalag-kalag karong petsa 1 ngadto na petsa dos sa Nobyembre.
Matud sa opisyal nga adunay igong ihap sa kapulisan nga ideploy sa tanang mga sementeryo sa syudad mapapribado man o pampubliko.
Samtang abag usab nila ang uban pang force multipliers nga magbantay sa seguridad sa mga sam-ang aron nga masigurong luwas ang libuan ka mga tawong mahidangat aron sa pagbisita sa ilang mga minatay.
dugang pagbutyag ni Police Col. Lagradante nga petsa 31 palang ila nang i-deploy ang ilang tropa sa nagkandaiyang sementeryo sa sa syudad.
Kini gumikan dunay pipila nga petsa 31 palang sa octobre manghinlo nang daan sa mga lubnganan sa ilang mga paryenteng mitaliwan na.
Samtang apil usab nga butangan ug tropa sa kapulisan ang mga resort ug uban pang mga pampublikong lugar kansa gilaumang dagsaon ug mga tawo dungan na usab sa paghinumdom sa kalag-kalag.
