Davao City – Kasado na ang pwersa sa kapulisan alang sa seguridad atol sa pagkomemorar sa Kalag-kalag sa tibuok Rehiyon 11.
Atol sa gipahigayong AFP-PNP presser, gipamahayag ni Police Regional Office 11 (PRO-XI) Regional Director P/Chief Supt. Marcelo Morales nga direktiba niini sa tanang pulis nga sigurohon ang seguridad sa tanang mga lugar nga adtoan sa katawhan ilabi na sa 260 ka mga pribado ug pampublikong sementeryo sulod sa rehiyon.
Segun niini nga aduna nay deployment sa mga police assistance desks ingon man ang pagpatuman sa unsay mga gidili nga dal-on sulod sa mga sam-ang, gani gisiguro usab ang seguridad sa nagkadaiyang terminal sa bus, van, ports ingon man airport terminals.
“We also established police visibiliy and patrols doon sa communities natin kung saan iiwan ng ating mga kababayan ang kanilang bahay at i-ensure natin yung security nung kanilang properties against those lawless elements na gustong mag take advanteg ng kanilang absence during All Saints Day,” matud ni Morales.
Dugang niini, nakigkoordinar na sila dili lang sa barangay officials apan usab ngadto sa Armed Forces of the Philippine (AFP) aron magbantay diha sa kadalanan lakip na sa mga tourist destinations ilabi na ang resorts.
Segun ni Morales nga kapin 2,000 ka mga pulis ang ilang gideploy alang sa Oplan Kaluluwa diin matud pa sakto lang kini nga pwersa aron masiguro ang seguridad sa tibuok Rehiyon Onse.
RadyoMaN Jason Amisola
