General Santos City–Hugot nga emplementasyon sa siguridad sa “Paskohan sa Gensan” ang gipatuman sa kapulisan sulod ug gawas sa oval plaza mao kini ang nahimong pagbutyag ni Police Captain Abdulsalam Mamalinta ang hepe sa Police Station 1.
Sumala pa ni Captain Mamalinta nga isip ground commander sa mga security personel nga mag bantay sa oval plaza iyahang sigurohon nga mamahimong hapsay ug malinawon ang Paskohan sa Gensan pinaagi sa hugot nga pag emplementa sa ilahang security plan sa mga entrance ug balibot sa activity area.
Dugang pa ni Captain Mamalinta nga sama sa mga milabay nga festival ug Paskohan sa Gensan sa syudad gibawal gihapon ang pag pasulod sa activity area ang mga armas, hait nga hinagiban, bag pack ug ang pag panigarilyo sulod sa oval plaza, gibawal usab ang pagsulod sa mga ambulant vendor sa activity area ug taman lang sila sa gawas sa oval.
Samtang mihangyo usab ug pagsabot si Captain Mamalinta sa mga tawo nga buot makigsadya sa mga pasundayag nga idalit sa oval plaza kung madelatar ang ilahang pagsulod sa oval hilabi na sa adlaw sa kulminasyon tungod kay usa-usahon gayud ug kapkap sa mga bantay ang mga tawo nga mosulod aron nga masigurong walat bitbit nga mga butang nga ginabawal sulod sa oval.(Dave Silagan)
