General Santos City—Hapsay ug malinawon pa gihapon ang sitwasyon sulod ug sa palibot sa oval plaza kalabot sa kasamtangang kasaulogan sa paskohan sa Gensan. Kini ang gibutyag ni PCI Maderse- hepe sa Pendatun Police Station.
Matud ni Maderse nga matag adlaw managlahi ang nakaassign nga ground commander sa lugar apan ilawom gihapon kini sa iyang superbisyon isip hepe sa presinto uno.
Matud ni Maderse nga sa pagkakaron wala pa may mga reklamo nga nakaabot sa ilang buhatan may kalabutan sa mga aktibidad sulod sa oval plaza.
Sama sa ubang mga dagkong aktibidad sa Gensan hugot gihapon nga ginapatuman ang bawal nga pagdala ug back pack ingon man pagpanigarilyo ug pagdala ug hinagiban sulod sa oval.
Samtang bahin sa simbang gabi nga una ng gisugdan niadtong adlawng Sabado duna usay kapulisan nga nakadeploy aron masigurong luwas ang lugar u gang katawhan nga gasimba.(Jordan Britos)
