Davao City – Anaa sa 4,368 ka mga personahe ang ideploy sa Davao City Public Safety and Security Command Center (PSSCC) aron mubantay sa pagpahigayon sa National Private Schools Athletics Association (PRISAA) Games 2019 dinhi sa syudad sa Davao karong Mayo 19 hangtod 24.
Sumala ni PSSCC Deputy Head Angel Sumagaysay nga nakapahigayon na sila og coordination meeting uban ang mga security clusters diin mahati kini sa duha ka grupo ga mao ang magbantay sa billeting quarters ingon man sa playing venues.
“Same security measures lang siya sa Palarong Pambansa pero smaller lang nga event,” matud niini.
Gumikan sa Tagum, Davao del Norte ipahigayon ang dulang swimming ug beach volleyball, magpatabang sila sa Highway Patrol Group (HPG) nga muasistir sa pagpaingon sa mga atleta gikan sa syudad sa Davao gani nakaabag usab og personahe gikan sa Police Regional Office (PRO) 11.
Dugang ni Sumagaysay nga magmontar og Police Assistance Desks (PADs) sa matag playing venues ingon man roving security guards aron malikay gayod ang ginagmay nga krimen sama sa kawat.
Gilauman ang kapin kun kulang 7,000 ka mga bisita ang motambong sa syudad partikular mga atleta, ginikanan ug coaches sa ika-63 nga PRISAA Games.
RadyoMaN Jason Amisola
