Seguridad sa Sarangani , mas gipahugtan human sa sunod sunod nga pagbusikad sa Isulan

14

General Santos City–Human sa sunod sunod nga pagbusikad sa Isulan, Sultan Kudarat mas gipalig-on pa sa Sarangani Provincial Police Office ang gipatumang pagbantay sa ilang seguridad.

Sumala ni Police Supt. Jeody Condesa, tigpamaba sa Sarangani Police Office nga mas gipalig-on nila ang mga checkpoint sa nagkandaiyang munisipyo sa Sarangani aron masigurong dili malusutan sa dautang elemento.

Samtang padayon usab ang ilang panawagan sa katawhan nga sila tabangan sa pagbantay sa seguridad.

Gihingusgan pa ni Police Supt. Condesa nga dili gyud angayang kakumpyansahan ang panahon sa kasamtangan hilabi na nga adunay nahitabong pagpamomba sa kasigbit nga mga probinsya.

Sumala niini nga dili angayang mag relax ang kapulisan tungod sila sayod nga sila ra ang gibantayan sa mga terorista.

Sa sarangani Province dili ikalilong nga aduna nay mga nahitabong bombing sama nalang sa mga lugar nga sakop sa MAKIMA area.

Facebook Comments