Plastado na ang ipatuman nga seguridad sang South Cotabato Police Provincial Office (SCPPO) para sa selebrasyon sang 20th T’nalak Festival nga pormal buksan sa Hulyo 13 subong nga tuig
Ginkumpirmar ni Police Major Verlin Pampolina sang SCPPO nga may augmentation forces nga maghalin sa PNP regional office 12, CIDG kag iban pa nga force multipliers agud nga magbulig sa ila sa ipatuman nga seguridad.
Ginpahayag man suno pa sini nga lauman ang mga checkpoints sa mga entry kag exit points.
May-angot sini nag-apela man si Pampolina sa mga pumuluyo nga likawan ang pagdala sang mga ginadumilian nga butang kapareho sang backpacks, bladed weapon, kag iban pa nga butang agud indi madelatar sa pagsulod sa mga event venues.
Facebook Comments
