South Cotabato–Gipahugtan pa sa kasamtangan ang seguridad nga gipatuman sa South Cotabato Provincial Jail human nga nag-positibo sa illegal nga droga ang 58 ka mga inmates sa gipahigayong randum drug test niadtong nakalabayng semana.
Gikwestyon ni South Cotabato Governor Reynaldo Tamayo Jr., ang mga jail guards nganong adunay nakalusot nga iligal nga droga ngadto sa maong detention facility.
Sumala sa gobernador nga iya na usab gibaharan ang mga jail guards kansa gidudahan niining nakig-alayon sa mga gapalusot ug droga sa maong prisohan.
Dugang pa ni Gov. Tamayo nga posibleng daghang mangatanggal nga mga jail guards sa Provincial Jail higayon nga masubli pa nga adunay magpositibo sa droga nga mga preso.
Lauman sab nga regular na ang pagpatuman ug randum drug test sa mga preso sa South Cotabato Rehabilitation Center.
Naanugunan sab ang gobernador gumikan sumala pa mamahimo untang musulod sa plea bargaining agreement ang pipila sa mga preso apan tungod nagpositibo sa illegal nga droga, nawagtang ang ilang tsansa nga makagawas sa bilangguan ang mga nasampit ug mas sayo.
Nasayran nga atol sa gihimong greyhound operation saProvincial Jail sa South Cotabato, adunay tulo ka mga sachet sa gituohang shabu ang narekober ingon man mga cellphones kansa hugtanong gidid-an sulod sa prisohan.
