Malaybalay City, Bukidnon – Mas gipahugtan pa karon sa Bukidnon Provincial Police Office kon BPPO ang gihimong seguridad batok sa mga New Peoples Army kon NPA.
Sa interview sa RMN Malaybalay ngadto kang PSI Jessel Longakit, ang spokesperson sa PNP Provincial Command, gibutyag niini nga sa wala pa man ang nahitabong Binuangan incident, aduna na silay precautionary measures nga gihimo.
Matud ni Longakit nga gawas sa nahitabo sa ubang dapit sa Mindanao nga binuhatan mga NPA, mas kusog matud pa ang hulga sa probinsya sa Bukidnon.
Wala usab gibaliwala sa PNP Bukidnon nga adunay mga diversionary tactics nga posibleng himoon ang mga NPA ilabina ug napakyas kini sa ilang tinguha sa Binuangan Municipal Police Station sa Misamis Oriental.
Sigun sa opisyal nga ilang gipatuman ang full alert status ilabina karon holiday season ug ang nagsingabot nga anibersaryo sa mao nga grupo karong Disyembre 26.
Gidugang pa ni Senior Inspector Longakit nga gipakanaug usab nila ang direktiba ngadto sa ilang lower units ilabina ang mga dapit nga maoy frontliner ug prone sa mga pagpangatake nga dili gayod magkumpiyansa.
