Daling miresponde ang kapulisan sa Cogon sa dihang nakadawat og report bahin sa sekyu nga aksidenteng nakapabuto sa iyang armas mga alas 10:39 kagahapon sa buntag sa LandBank, Velez Street ning syudad.
Ang sekyu nailang si Gershom Dimorog, 31 anyos, ulitawo, taga Pinikitan, Barangay Camaman-an.
Sa imbestigasyon sa Police Station 2 Cogon, nasayran nga sa dihang aksidenteng nakapabuto sa iyang armas ang sekyu, nilahos ang bala sa opisina sa Cocolyf ug naigo ang lamisa sa empleyadong si Elmer Echalico, 29 anyos, ulitawo ug taga Upper Ramonal Village, Barangay Camaman-an.
Hinoon, nakahatag na sa photocopy sa certificate of registration ang DASIA Security Agency sa armas nga gigamit sa maong sekyu.
Facebook Comments
