SEKYU PATAY MATAPOS MAKURYENTE

149

Dead on arrival ang isa ka sekyu matapos makuryente pasado alas tres kahapon sang hapon sa Purok Masipag, Brgy. Sta. Cruz, syudad sang Koronadal.
Ginkilala ang biktima kay Jomar Vicente Cabrera, 36anyos, soltero, security guard nga na-assign sa SOCOTECO I kag residente sang nasambit nga lugar.
Sa imbestigasyon sang Koroandal City PNP, nagtakod suno pa sang service drop wire ang biktima halin sa main line padulong sa kuntador sang ginakay-o nga balay sa ila sini area.
Samtang ginabitbit suno pa sang biktima ang duplex wire padulong sa ginakay-o nga balay, aksidente suno pa ini nga nakuryente matapos nakantadog sa isa ka linya sang kuryente nga nakaangot sa ila kaingod balay ang ginabitbit nga duplex wire.
Matapos ang insidente gilayon nga gindala ang biktima sa ospital sang iya sini Lolo para tigayon nga madapatan sang medikasyon, apang ginbawian na ini sang kabuhi suno sa doktor nga nag-atipan.
Samtang padayon nama nga ginaimbestigaran ang nagluntad nga insidente.

Facebook Comments