General Santos City—Gikabutyag ni Joe Abarquez ang labaw sa Philippine Fishport Development Authority (PFDA) ug Tuna Festival Director nga andam na matud pa ang ilahang preparasyon sa Tuna Festival 2018.
Sumala pa nga sa September 01 ang opening sa maong festival ug aduna silay giandam nga mga nagkadaiyang mga events sama na lamang sa carnaval fair, tuna floats nga pagasalmutan sa siyam hangtod na sa napulo ka mga nagkadaiyang fishing companies sa dakbayan.
Aduna usab street dancing nga masaksihan sa oval plaza nga pagasalmutan usab sa nagkadaiyang eskwelahan sa elementary og high school.
Gibutyag usab niini nga aduna silay gipang-imbetahan nga mga bisita gikan sa kaulohang maynila nga mosaksi usab sa maong tuna festival, sama na lamang ni Pangulong Rodrigo Duterte nga gilauman nga mamahimong guest speaker, lauman usab ang presensiya nila ni Department of Agriculture Sec. Manny Peniol, apil na ang taas nga opisyal sa Department of Tourism, Senator Manny Pacquiao ug si Senator Villar.
Samtang kabahin usab sa hisgutanang kalinaw gikabutyag usab ni Abarqez nga andam na ang seguridad sa Gensan sa umaabot nga Tuna Festival sa pakig-alayon ug tabang sa kapolisan ug military sa rason nga aron lamang masiguro ang seguridad sa mga tawo nga gustong mosaksi og maglingaw lingaw sa mga nagkadiyang events sulod sa oval plaza. (Reynald Timario)
(Photo From Web/for Illustration)
