Davao City- Dili muapil ang grupong Southeastern Mindanao Diversified Drivers & Operators Cooperative (SEMDDOC) sa ikasang lihok protesta sa PISTON diha sa ilang pagsupak sa jeepney modernization program adlawa.
Gibutyag ni SEMDDOC chair Maning Duran sa interbyu sa RMN Davao nga wala silay
nadawat nga imbitasyon gikan sa grupong PISTON kalabot sa ilang kalihukan.
Gitataw ni Duran nga wala silay mando gikan sa ilang higher office nga mo-partisipar sa maong rally.
Gianunsyo ni Transport group Pinagkaisang Samahan ng mga Tsuper at Operator Nationwide (Piston) President George San Mateo nga muhimo silag protesta gawas sa Land Transporatation Franchising and Regulatory Board sa entero nasud ugmang adlawa.
Matud ni Mateo ila usab panagayuon ngadto sa gobyerno nga aprobahan ang discount nga P6 sa gasoline alang sa mga drayber sa jeep silbing tubag sa to Republic Act 10963, o Tax Reform for Acceleration and Inclusion Law.
Giklaro ni Mateo nga dili kini strike nga makasagabal sa tanang mga commuters.
RadyoMaN Aimee Guinita
