General Santos City—Dako ang kalipay nga gibati ni Senador Manny Pacquiao sa gihimong harana kaniya sa iyang mga higala ug taga-suporta dungan sa iyang ika-40 nga adlaw natawhan kagahapong adlawa.
Nasayran nga alas 4:00 pasado pa sa kabuntagon dihang giharanahan ang nasangpit sa iyang panimalay sa may Barangay San Isidro, Gensan.
Mapasalamaton man usab kini sa Ginoo tungod sa nagpabiling lig-on niyang pang-lawas.
Samtang pangunahan sa mga opisyal sa Sarangani Province ang maong harana inubanan sa Chief Of Police sa 7 ka mga munisipyo sa Sarangani Province.
Aduna usay kalahian ang gihimong harana karon sa mga opisyal sa pulis sa nasangpit nga senador tungod kay kung kaniadto ginalabay kini sa swimming pool isip tradisyon sa mga pulis ug adunay mag selebrar sa ilang birthday karon deretso sa bulwagan sa panimalay ni senador pacquiao ug gipakaon ang mga nagpartisipar.
Nasayran nga nanghatag ug 40 ka mga motorsiklo, 40 ka mga appliances ug 4 ka mga bag-ong sakyanan ang senador atol sa iyahang birthday. (Dave Silagan)
