General Santos City–Malipayong gidawat ni Police Sr. Supt. Raul Supiter , City PNP Director sa General Santos City Police Office ang usa ka German shepherd nga gi-donate kanila sa usa ka pribado nga kompanya ning syudad aron usab nga maka tabang sa ilahang kampanya batok terorismo.
Sumala pa ni Police Sr. Supt. Supiter nga dakong tabang kanila ang iro nga gi-nganlan ug Green Leaf tungod kay madugang kini sa ilahang pwersa hilabi na sa ilang hugot nga kampanya batok kriminalidad.
Ang bomb squad matud pa ang maggunit sa maong iro kung diin bansayon kini sa pag-detect ug mga IED.
Samtang masaligon man usab si Supiter nga dali lang ma-andam ang nasangpit nga k9 pinaagi sa pag train sa bomb squad ug magamit gilayon nila kini sa ilang mga operasyon.(Dave Silagan)
