Ginapadali na sang Senado ang pagpasar sang layi nga magtukod sang National ID System sa pungsod.
Suno kay Sen. Panfilo Lacson, dako ang mabulig sang National ID kontra terorismo.
Nagapati naman si Sen. Franklin Drilon nga pinaagi sa isa lang ka government id, mapadasig ang pagproseso sang mga papeles sang mga aplikante bangud solo database na lang ang kuhaan sang datos sang mga pumuluyo.
Ginabulubanta sang Philippine Statistics Authority nga magalab-ot sa 3 ka tuig antes nila makuhaan sang detalye ang tunga sang 101 million population sang pungsod apang suno sa mga senador, mahimo naman kuhaon sang PSA ang mga biometrics sang 20 ka milyon nga mga Pilipino nga naga-edad 18-pataas nga nakuha na sang SSS, COMELEC, PhilHealth, NBI kag iban pa nga ahensya.
(photo from web)
