Nagpaandam si Sen. Richard Gordon nga ibuyagyag niya ang sin-o man nga magtuyo sa pagpanuhol sa handum nga makuha ang pinakamataas nga posisyon sa senado.
Ginhimo ni Gordon ang pahayag matapos ginsiling ni Davao del Norte Rep. Pantaleon Alvarez nga handa ang nagahandum sang speakership sa kamara nga maggasto sang PHP500,000 tubtob PHP1,000,000 agud makuha ang pwesto.
Subong man kampante si Gordon nga indi ini paghimuon sang iya mga kaupdanan sa senado.
Nahibaluan nga nag-draft na sang senate resolution si Sen. Panfilo Lacson agud papirmahan sa mga kaupod nga ipabilin bilang Senate Pres. Si Sen. Vicente Sotto III.
Nagalapta sa karon ang impormasyon nga nagahulag sanday senators-elect Imee Marcos kag Francis Tolentino agud iduso ang pagbulos ni Sen. Cynthia Villar sa senate leadership.
(photo credit to the owner)
