General Santos City— Ginahan-ay na ang tanan alang sa pagahimuon nga Senate Inquiry sa dakabyan karong umaabot nga Marso 16 kalabot sa ma-anomalosong Road Right Of Way.
Sumala kang Dominador Lagare III, Supervisor Legislative Staff ni Senator Manny Pacquiao nga sa karon, dili una niya ibutyag kung si kinsa nga mga senador ang mahidangat sa dakbayan alang na usab sa ilahang siguridad.
Sa karon matud pa ilaha unang gina-planuhan ang ipatumang Security Measures uban ang lokal nga panggamhanan kung asa ilahang gilauman nga ubay-ubay ang mamahimong bisita niini.
Dugang pamahayag ni Lagare nga imbitado gyud ang tanang mga lambigit sa maong anomaliya hilabina kadtong mga ming retire na sa serbisyo.
Tumong matud pa sa pagpahigayon ug senate inquiry sa dakbayan mao ang pagpatambong sa mga nasangpit nga dili maka-afford nga mubyahe sa kauluhan aron sa pagtambong sa senate hearing.
Nadumili man usab kini sa pagbutyag kung adunay mga sindikatong nagpaluyo sa maong anomaliya gumikan mas maayong huwaton ang resulta sa senate inquiry. (phot from web)
