Naghikog patay ang usa ka 65 anyos nga senior citizen sa Purok 9, Barangay Imelda, Villanueva, Misamis Oriental.
Matud ni Police Captain Rodney Gaid, ang Chief of Police sa Villanueva Municipal Police Station, naila ang biktima nga si Herson Paigna, residente sa maong dapit.
Sa imbestigasyon sa kapolisan pinaagi sa pakighinabi sa live in partner sa biktima nga si Candelaria Panhay, 67 anyos, nga dungan pa sila natulog sa iyang live in partner apan nakamata na lang siya nga wala na kini sa iyang tupad.
Dako na lang iyang katingala nga nakita na lang kini nga naghikot sa liog pinaagi sa liston sa sapatos.
Samtang hilomon nga pagkatawo ug walay kontra ang biktima.
Matud ni Police Captain Rodney Gaid, ang Chief of Police sa Villanueva Municipal Police Station, nga walay nakontra ang biktima base sa pamahayag sa live in partner niini.
Dugang pa ni Captain Gaid nga posibleng adunay problema nga gihambing ang biktima apan giloom lamang.
