Nakakwa sang atensyon kag kagugmat sa mga pumuluyo sang Barangay Talotog banwa sang Murcia ang pagkapatay sang isa ka senior citizen nga lalaki nga mangunguma matapos ini ang gin-admit sa Regional ospital sa syudad sang Bacolod sang Mayo 8 kag gilayon nga ginlubong sa public cemetery sa banwa sang Murcia bangud nakitaan sang sintoma sang corona virus.
Ginpahayag, nga ang napatay ang may balatian nga tuberculosis kag ginpanugyan sang doctor nga gilayon nga ilubong ukon i-cremate sa sulod sang 24 oras.
Ini ang ginkuhaan naman sang swab test apang wala pa ang resulta.
Ginklaro mismo sang Kapitan sang Barangay Talotog nga si Punong Barangay Teresita Biñas sa DYHB nga ang napatay antes pa sang covid ang madugay na nga nagabatyag sang balatian nga TB kag tatlo na ka semana nga wala ka pangihi rasun nga nagka komplikasyon.
Suno kay Kapitan Biñas bangud sa deklarasyon sang doctor nga may yara sang sintoma sang virus ang napatay ginakinahanglan nga ipalubong gilayon base man sa policy sang Department of Health (DOH).
[image: image.png]
