Gibalhog na sa bilangguan ang usa ka senior citizen kinsa wanted sa pagpanlugos og menor de edad human nasikop sa operasyong gipahigayon sa mga kapulisan pasado alas 9:30 sa buntag kagahapon didto sa Purok-4, San Isidro, Quezon, Bukidnon.
Giila ang wanted nga suspek nga si Manuel Comendador, alyas Tatay Manuel, 76 anyos, minyo, mag-uuma, Top 1 Most Wanted Person sa lungsod sa Quezon sa maong kaso, ug residente sa naasoy nga lugar.
Gi-issuehan sa warrant of arrest ang suspek nga gipakanaog sa korte pinirmahan ni Eldred Cole, Presiding Judge, Regional Trial Court, Branch 45, Malaybalay City, Bukidnon pinitsahan Disyembre 20, 2022 sa kasong Statutory Rape kon pagpanlugos og menor de edad ug walay girekomendang piyansa alang sa temporaryong kagawasan.
Nakakustodiya na karon sa Quezon Municipal Police Station ang suspetsado alang sa tokmang disposasyon.
Facebook Comments
