*General Santos City— Nagpabilin gihapon ang Gensan sa General Community Quarantine subay sa resolustion 35-a sa National Inter-Agency Task Force On Covid-19.*
*Sumala kang Gensan City Mayor Ronnel Rivera nga adunay mga kabag-uhan nga ipatuman ilalom sa extended general community quarantine kung asa ang mga senior citizen ang tugutan ng makagawas apan ang mga nag-edad ug 20 anyos paubos, ginabawalan gihapon nga mugawas ug balay.*
*Samtang lakip s amga kabag-uhan nga ipatuman sa extended gcq mao ang pagtugot s amatag cluster nga maka-adto sa central business district kaduha matag semana.*
*Dugang pamahayag ni Mayor Rivera nga gawas sa maong kabag-uhan, magpabilin ang ginapatuman sa syudad sama sa curfew, total lockdown matag adlaw nga dominggo ingon man ang 12 ka mga cluster sa dakbayan.*
*Samtang ang mga tricycle, pabilin matud pa nga tugutan nga maka-byahe sulod sa ilahang mga cluster kung asa giklaro ni mayor rivera nga subay sa guidelines nga gihimo sa lokal nga pangamhanan, 10 pesos lang gihapon ang pamasahe sa unang upat ka kilomtero.*
*Apan adunay dugang nga piso natag dugang nga kilomtero nga sakay.*
*Nangayo man usab ug pagsabot si Mayor Rivera gikan sa katawhan gumikan sila sa lokal nga panggamhanan ang ginahimo ang tanan aron nga mabatukan ang covid-19 ug masigurong dili masudlan ang gensan sa maong virus.*
*Saysay niya nga walay bisan kinsa ang may gusto sa mga nakagahitabo karon ug wala naka-andam ang bisan kinsa bisan na ang lgu.*
*Hangyu niya sa tanan nga mu-kooperar ug sundon unsa man ang gimando sa gobyerno. Nanawagan man kini sa publiko nga kung mamahimo, magpabilin nalng una sulod sa balay kung walay importanteng transaksyon.*
