Tigaon, Camarines Sur– Naging tradisyon na para sa mga lolo asin lola sa Tigaon an pagselebrar kan Valentine’s Day na kaiba si Arnie Fuentebella.
Magpoon kan siya naging alkalde kan banwaan, pinag-aandaman niya na an aldaw na ini para maghatod nin simpleng kaogmahan sa mga puso kan mga senior citizens.
Tiripon an mga lolo asin mga lola sa Tigaon Sports Complex kasuodma para sa sarong maogmang programa na pinangenotan kan aspirante para Congressman kan Partido na si Arnie Fuentebella asin kan saiyang esposa na si Jing.
Manlaen-laen man na status kan mga lolo asin lola: byudo, byuda, single o taken, gabos nag-orogma sa programa asin pakawat na saindang pinagpartesiparan.
An aktibidad na ini sarong paagi ni Arnie sa pagtaong importansya asin pagpahalaga sa mga may-edad nang sektor kan banwaan na nangangaipo nin pagpadangat asin pangataman.
Kan saiyang termino bilang alkalde, may mga akitibidad an LGU para sa mga lolo asin lola arog kan libreng pabulog asin masahe na orog na ikinaoogma kan mga ini.
text&photocredits:celiasanjose
