Todo ang paghinulsol sang 19-anyos nga senior high school student nga nagpangilkil sang P200,000 sa 36-anyos nga maestra sa Barangay Canlamay banwa sang Ilog.
Ang suspek nga si Rodel Encontro, ang nadakpan sang Disyembre 23 sang ini ang gin-entrap sang kapulisan sa Ceres terminal sa ciudad sang Kabankalan.
Sa exclusive interview sang DYHB kay Encontro, gin-ako sini ang krimen. Gintuad sa DYHB ni Encontro nga ang biktima, amo ang iya maestra sang elementary sa diin nagatrabaho man siya sa balay sini humalin pa man sang gintubuan na siya sang buot. Ginpahayag ni Encontro nga nahimo niya ang pag-extort sa maestra bangud nga may luyag ini nga baklon kag luyag niya makabulig sa iya pamilya sa pagpatukod sang ila balay.
Sini lang nga nga Disyembre sang iya ginkuhaan sang video ang maestra samtang ini ang nagapanibin kag didto na siya naghimo sang peke nga social media account gamit ang ngalan nga Oscar Ocampo . Gin-send ni Encontro ang video sa maestra kag ginpangayuan sang P100,000 apang ginpasakaan ini sang biktima sa P200,000 bangud indi sini luyag ihatag kay Encontro ang isa pa ka butang nga ginapangayo sini nga matabo.
Sang Disyembre 23 nagpasugot ang maestra nga ihatag na ang kwarta, kag ini ang natigayon sa Ceres terminal sa Kabankalan, apang wala naghuna-huna si Encontro entrapment operation na gali ang natabo. Todo paghinulsol ini karun sa prisuhan kag handa ini nga magluhod sa maestra, mapatawad lang siya.
[image: image.png]
