SEPARADO NGA KASO SANG HOLD-UP NAGLUNTAD SA SYUDAD SANG ILOILO, MIYEMBRO SANG LGBT PILASON MATAPOS NGA MABUN-AN SANG MGA SUSPEK

375

Pilason ang 28-anyos nga agi matapos ginhold-up sang riding-in-tandem sa Brgy. Tanza, City Proper ala- 1:28 kaina sang kaagahon, Mayo 18.

Pilas sa tuo nga pulso ang naangkon sang biktima nga si Bryan Ileto sang Barangay Rizal- Estanzuela matapos ginbuno sang nagbato sa mga suspek.


Nakuha sang mga suspek ang cellphone sang biktima nga nagabalor sang P2, 500.

Sa inbestigasyon sang kapulisan, ginbangaan sang mga suspetsado ang biktima pagkatapos nagpanaug ini sa salakyan.

Gilayon nga gindala ang biktima sa West Visayas State University Medical Center samtang gilayon nga nagpalagyo ang mga suspetsado.

Sa pihak sini, nabiktima man sang holdaper ang 19 anyos nga Leah Labajo, tumandok sang Brgy. Talotuan, Concepcion, Iloilo kag temporary nga nagapuyo sa St. Joseph Subd. Brgy. Cubay, Jaro.



Natabo ang insedinte sa benigno Aquino st., Brgy. Inday, City Proper alas 3 sang kaagahon samtang nagalakat ang biktima isa sa apat ka lalaki nga nakasuksok sang itum nga ball capmaroon short kag naka-tsinelas ang nagtaya sa iya sang kutsilyu sa iya kilid.


Matapos sini nagdeklarar sang hold- up ang suspek kag ginkuha ang backpack sang biktima nga may mga unod nga I.D.’s, importante nga dokumento Samsung J2 nga nagabalor sang 7 ka libo ka pesos kag ang kahita sini nga may unod nga 300 pesos nga cash.

Gilayon nga nagpalagyo ang mga suspek samtang nagapadayun naman ang inbestigasyun sang mga otoridad sa nasambit nga insedinte.

Facebook Comments